fbpx

Life+News The Official News Portal of Independent Television Network Ltd

ජනපති කටුනායක ගුවන් තොටුපොලේ හදිසි නිරීක්ෂණ චාරිකාවක

ITN News Editor
By ITN News Editor ජනවාරි 16, 2020 18:51

ජනපති කටුනායක ගුවන් තොටුපොලේ හදිසි නිරීක්ෂණ චාරිකාවක

කිසිදු ගුවන් මගියෙකු අපහසුතාවයකට හෝ ප්‍රමාදයකට ලක් නොවන ආකාරයෙන් ක්‍රියා කරන්නැයි ජනාධිපති ගෝඨාභය රාජපක්ෂ මැතිතුමා ගුවන් තොටුපොල බලධාරීන්ට උපදෙස් ලබාදුන්නා. ඒ කටුණායක ගුවන් තොටුපොලේ හදිසි නිරීක්ෂණ චාරිකාවකට එක්වෙමින්.

ජනාධිපති ගෝඨාභය රාජපක්ෂ මැතිතුමා අද පස්වරුවේ කටුණායක ජාත්‍යන්තර ගුවන් තොටුපොලේ හදිසි නිරීක්ෂණ චාරිකාවකට එක්වුණා. රටින් පිටවීමේ දී සහ මෙරටට පැමිණීමේදී කිසිදු ගුවන් මගියෙකු අපහසුතාවකට හෝ ප්‍රමාදයකට ලක් නොවන ලෙස ක්‍රියා කරන්නැයි ජනාධිපතිතුමා එහිදී ගුවන් තොටුපොල බළධාරීන්ට උපදෙස් ලබාදුන්නා.

මගියෙකු ගුවන් තොටුපොලට ඇතුළුවන අවස්ථාවේ සිට මගී පර්යන්තය ඔස්සේ ගුවන් යානයට පිවිසීම දක්වා සහ රටට පැමිණෙන ගුවන් මගියෙකු පිටතට පැමිණෙන තෙක් ගතවන කාලය, ස්ථාන හා ක්‍රියාවලිය ජනාධිපතිතුමා නිරීක්ෂණය කළා. ආගමන විගමන පරීක්ෂණ සදහා ප්‍රමාණවත් නිලධාරීන් යොදවා සිදුවන ප්‍රමාදය උපරිමයෙන් අවම කිරීමට පියවර ගන්නා ලෙසයි ජනාධිපතිතුමා ආගමන විගමන අධ්‍යක්ෂ ජනනරාල්වරයාට උපදෙස් ලබාදුන්නේ.

ගුවන් තොටුපලෙන් පිටව යන සහ පැමිණි මගීන් සමග ද ජනාධිපතිතුමා සුහද කතාබහක නිරත වුණා. කුලී රථ වෙනුවෙන් වෙනම අංගනයක් සකස් කරන ලෙසයි ගුවන් තොටුපොල සභාපති මේජර් ජනරාල් ජී ඒ චන්ද්‍රසිරි මහතාට මෙහිදී උපදෙස් ලබාදෙනු ලැබුවේ. ගුවන් තොටුපොල සේවාවන්හි කාර්යක්ෂමතාව පිළිබද ජනාධිපතිතුමා සභාපතිවරයාට හා කාර්ය මණ්ඩලයට ප්‍රශංසාව ද පළකලා.

ITN News Editor
By ITN News Editor ජනවාරි 16, 2020 18:51

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්

Thank you for taking time to Vote for us at BestWeb.lk 2020

logo