අත්අඩංගුවට ගත් මත්ද්රව්ය තොග ඉක්මනින් විනාශ කිරීමේ කාර්යය සඳහා ඇති නෛතික බාධා ඉවත් කිරීමට අදාළ නීති සංශෝධනය කිරීම වෙනුවෙන් පත් කළ කමිටුව සහ ජනාධිපති අනුර කුමාර දිසානායක මහතා අතර හමුවක් අද (24) පස්වරුවේ ජනාධිපති කාර්යාලයේදී පවත්වා තිබෙනවා .
විෂ මත්ද්රව්ය උවදුර තුරන් කිරීම වෙනුවෙන් රජය ගෙන යන වැඩපිළිවෙළ පිළිබඳ සමාජ විශ්වාසය තහවුරු කිරීමේදී අත්අඩංගුවට පත් වන මත්ද්රව්ය තොග හැකි ඉක්මනින් විනාශ කිරීමේ අවශ්යතාව මෙහිදී පෙන්වා දුන් ජනාධිපතිවරයා, ඒ වෙනුවෙන් විධිමත් ක්රියාවලියක් කඩිනමින් සකස් කළ යුතු බවයි අවධාරණය කළේ .
මෙම ක්රියාවලිය කඩිනම් කිරීමට නීති සංශෝධන කෙටුම්පතක් මේ වන විටත් සකස් කරනු ලැබ ඇති අතර එම කෙටුම්පතෙහි දක්වා ඇති ප්රතිපාදන අනුව අත්අඩංගුවට පත් මත්ද්රව්ය විනාශ කිරීම සඳහා ගත වන කාලය තවදුරටත් අඩු කර ගැනීමේ හැකියාව පිළිබඳ මෙහිදී දීර්ඝ ලෙස විමසා බලා තිබෙනවා .
මෙම ක්රියාවලියේදී අධිකරණය, පොලීසිය සහ රස පරීක්ෂක දෙපාර්තමේන්තුව මුහුණදෙන ප්රායෝගික ගැටලු පිළිබඳවද මෙහිදී දීර්ඝ ලෙස සාකච්ඡා කෙරුණු අතර, පැමිණිලි මෙහෙයවීමේදී නීතිපති දෙපාර්තමේන්තුවට මුහුණදීමට සිදුව ඇති ගැටලු පිළිබඳවයි නියෝජ්ය සොලිසිටර් ජනරාල් සුහර්ෂි හේරත් ජයවීර මහත්මිය කරුණු පැහැදිලි කළේ .
ජාවාරම්කරුවන් නිදැල්ලේ සිටීමටත්, නඩු භාණ්ඩ යළි සමාජගත වීමටත් ඇති සියලු ඉඩකඩ අහුරමින් මෙම නීති සංශෝධනය ගෙන ඒමේ අවශ්යතාව මෙහිදී අවධාරණය කර තිබෙනවා .
අත්අඩංගුවට ගන්නා මත්ද්රව්ය සම්බන්ධයෙන් සිදු කරන අධිකරණ ක්රියාවලියෙහි දැනට පවතින තත්ත්වය සහ එහිදී මතුව ඇති ගැටලු විසඳා ගැනීම සඳහා පොලීසියේ මැදිහත්වීමෙන් මේ වන විට ගෙන ඇති පියවර පිළිබඳව පොලිස්පති ප්රියන්ත වීරසූරිය මහතා මෙහිදී කරුණු පැහැදිලි කළේ.
එමෙන්ම, මෙම ක්රියාවලිය කඩිනම් කිරීම වෙනුවෙන් රස පරීක්ෂක දෙපාර්තමේන්තුවේ පහසුකම් වැඩිදියුණු කිරීම පිළිබඳවද මෙහිදී සාකච්ඡාවට බඳුන් කර තිබෙනවා .
අත්අඩංගුවට ගත් මත්ද්රව්ය තොග ඉක්මනින් විනාශ කිරීමේ කාර්යය සඳහා ඇති නෛතික බාධා ඉවත් කිරීමට අදාළ යෝජිත පනත් කෙටුම්පත හැකි ඉක්මනින් සංශෝධන සහිතව කැබිනට් මණ්ඩලයට ඉදිරිපත් කිරීමටද මෙහිදී එකඟතාව පළ වී තිබෙනවා .
අධිකරණ සහ ජාතික ඒකාබද්ධතා අමාත්ය හර්ෂණ නානායක්කාර, ජනාධිපති ලේකම් ආචාර්ය නන්දික සනත් කුමානායක, ජනාධිපති ජ්යෙෂ්ඨ අතිරේක ලේකම් රෝෂන් ගමගේ, අධිකරණ සහ ජාතික ඒකාබද්ධතා අමාත්යාංශයේ ලේකම් අයේෂා ජිනසේන, ප්රධාන විශේෂඥ අධිකරණ වෛද්ය නිලධාරී විශේෂඥ වෛද්ය ආර්.ආර්.ජී. ශ්රියන්ත අමරරත්න, නියෝජ්ය රජයේ රස පරීක්ෂක කේ.ඒ.ඩී.පී. කොඩිතුවක්කු යන මහත්ම මහත්මීන් සහ නියෝජ්ය පොලිස්පති (මත්ද්රව්ය නාශක) අශෝක ධර්මසේන, නියෝජ්ය පොලිස්පති (නීති) ජාලිය සේනාරත්න, නියෝජ්ය පොලිස්පති (අපරාධ) කේ.ඒ.ජේ. කොඩිතුවක්කු යන මහත්වරුද, රස පරීක්ෂක දෙපාර්තමේන්තුව, අන්තරායකර ඖෂධ පාලක ජාතික මණ්ඩලය, අධිකරණ සේවා කොමිෂන් සභාව, නීති කෙටුම්පත් දෙපාර්තමේන්තුව ඇතුළු අදාළ ආයතන නියෝජනය කරමින් ජ්යෙෂ්ඨ නිලධාරීන් පිරිසක්ද මෙම අවස්ථාවට එක්ව තිබෙනවා .
