මිදිගම ගොවියාපාන පාලම අසළදී ඊයේ සිදුකළ වෙඩි තැබීම සම්බන්ධයෙන් සැකකරුවන් දෙදෙනෙකු අත්අඩංගුවට ගෙන තිබෙනවා.
පොලිස් විශේෂ කාර්ය බලකායේ පුෂ්පාරාම උප කඳවුරේ නිලධාරීන් මිදිගම දිගරැද්ද හා හාතපැලෑන යන ප්‍රදේශවල කළ වැටලීමකදී මෙම සැකකරුවන් අත්අඩංගුවට ගෙන ඇත්තේ.
ඊයේ සිදුකළ වෙඩි තැබීමෙන් තවත් පුද්ගලයන් දෙදෙනෙකු තුවාල ලැබුවා.
සැකකරුවන් ළඟ තිබී හෙරොයින් ග්‍රෑම් 11 මිලිග්‍රෑම් 500ක්ද අත්අඩංගුවට ගැණුනා.
සැකකරුවන් කෝට්ටේ හා අගුළුගහ යන ප්‍රදේශවල පදිංචිකරුවන් බවයි පොලිසිය සඳහන් කරන්නේ.
එක් සැකකරුවෙකු වෙඩි තැබීම සිදුකළ අයට නවාතැන් ලබාදීම සම්බන්ධයෙන්ද අනෙක් සැකකරු වෙඩි තැබීම සිදුකළ අය ත්‍රි රෝද රථයෙන් රැගෙන යාම සම්බන්ධයෙන් මෙසේ අත්අඩංගුවට ගෙන තිබෙනවා.
