පසුගිය ජුලි 13 වනදා පාර්ලිමේන්තුව අසළ පැවති විරෝධතාවයේදී යුද හමුදා සෙබළෙකුගෙන් සොරාගත් ගිනි අවිය ශ්රී ලංකා නාවික හමුදාව විසින් සොයාගෙන තිබෙනවා.
බත්තරමුල්ල පොල්දූව හන්දිය අසළ පැවති විරෝධතාවයේදී විරෝධතාකරුවන් යුද හමුදා සෙබළාට පහර දී T-56 වර්ගයේ ගිනි අවියක් සහ පතොරම් කිහිපයක් සොරකම් කර ඇති බව පොලීසිය සඳහන් කර තිබුණා.
ශ්රී ලංකා නාවික හමුදාවේ කිමිදුම්කරුවන් විසින් සෙනසුරාදා (23) දියවන්නාව පාලම යට තිබී එම ගිනි අවිය සහ හිස් මැගසින් එකක් සොයා ගනු ලැබුවා.
ගිනි අවිය සහ හිස් මැගසිනය වැලිකඩ පොලිසිය වෙත භාරදී ඇති අතර ඔවුන් වැඩිදුර විමර්ශන සිදු කරනවා.