අනුප්රාප්තික ජනාධිපතිවරයා තෝරා ගැනීම සඳහා පාර්ලිමේන්තු ඡන්ද විමසීමේ අපේක්ෂකයන් වන ඩලස් අලහප්පෙරුම සහ අනුර කුමාර දිසානායක යන මහත්වරුන්ට ඡන්දය ප්රකාශ කිරීමෙන් අනතුරුව කළ කතාවේදී අභිනව ජනාධිපති රනිල් වික්රමසිංහ මහතා ස්තුතිය පළ කර සිටියා.
“ජනතාව අපෙන් පරණ දේශපාලනය ඉල්ලන්නේ නැහැ” විපක්ෂ නායක සජිත් ප්රේමදාස මහතා ඇතුළු විපක්ෂයේ පක්ෂවලට, හිටපු ජනාධිපතිවරුන් වන මහින්ද රාජපක්ෂ මහතා සහ මෛත්රීපාල සිරිසේන මහතා ඇතුළු පක්ෂවලට නව ආකාරයකින් එක්ව කටයුතු කරන ලෙස ජනාධිපතිවරයා මන්ත්රීවරුන්ගෙන් ඉල්ලා සිටියා.
“පසුගිය පැය 48 තුළ අපි දෙකඩ වුණා. ඒ කාලය දැන් ඉවරයි. අපි දැන් එකට වැඩ කළ යුතුයි ” ජනාධිපතිවරයා සඳහන් කළා.
ජනාධිපතිවරයා ලෙස දිවුරුම් දීම පාර්ලිමේන්තු පරිශ්රය තුළදී සිදු කිරීමට නව ජනාධිපතිවරයා කථානායකවරයාගෙන් ඉල්ලීමක් ද කළා.