මහනුවර ජාතික රෝහලේදී රෝගීන් දෙදෙනෙකුට සෙෆ්ටිඇක්සෝන් ප්‍රතිජීවක ඖෂධය ලබා දීමෙන් අනතුරුව ආසාත්මිකතාවයක් හටගෙන ඇති බව සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය අසේල ගුණවර්ධන මහතා පවසනවා.
ඒ අනුව එම ප්‍රතිජීවක ඖෂධය මේ වන විටත් භාවිතයෙන් ඉවත් කර ඇති බවයි ඒ මහතා පවසන්නේ.
එමෙන්ම පේරාදෙණිය රෝහලේදී මෙම ඖෂධය ලබාදීමෙන් අනතුරුව තරුණියක මියගිය බව පැවසෙන සිද්ධිය සම්බන්ධයෙන් විමර්ශනයක් සිදුකිරීමට පත් කළ විශේෂඥ වෛද්‍යවරුන් පස් දෙනෙකුගෙන් යුත් කමිටුව අදාළ විමර්ශන ආරම්භ කර තිබෙනවා.
