இலங்கை போக்குவரத்து சபைக்குச் சொந்தமான பஸ்ஸூம், வேனொன்றும் நேருக்கு நேர் மோதியுள்ளது.
கொழும்பு – ஹட்டன் பிரதான வீதியில் ஸ்கேடன் தோட்ட பகுதியில் இன்று (12) பிற்பகல் 2 மணியளவில், இடம்பெற்ற இந்த விபத்தில் படுகாயமடைந்த வேனின் சாரதி, வட்டவளை வைத்தியசாலையில் அனுமதிக்கப்பட்டதன் பின்னர், மேலதிக சிகிச்சைகளுக்கான நாவலப்பிட்டிய வைத்தியசாலைக்கு மாற்றப்பட்டுள்ளார்.
ஹட்டனில் இருந்து கொழும்பு நோக்கி பயணித்த இலங்கை போக்குவரத்து சபைக்குச் சொந்தமான பஸ்ஸூக்கு எதிர் திசையில், கினிகத்ஹேனவில் இருந்து ஹட்டன் நோக்கி அதிவேகத்தில் பயணித்த வேன், முன்பாக பயணித்த முச்சக்கர வண்டியை முந்திச்செல்வதற்கு முயன்ற போதே எதிரேவந்த பஸ்ஸூடன் மோதியதில் விபத்து ஏற்பட்டுள்ளது.
சம்பவம் தொடர்பில் ஹட்டன் பொலிசார் மேலதிக விசாரணைகளை முன்னெடுத்துள்ளனர்.
