ஜனாதிபதி தேர்தலின் தொகுதி வாரியான முடிவுகளை நள்ளிரவு 12 மணிக்கு முன்னர் வெளியிட எதிர்பார்த்துள்ளதாக தேர்தல்கள் ஆணையாளர் சமன் ஸ்ரீ ரத்னாயக்க தெரிவித்துள்ளார்.
விசேட ஊடக சந்திப்பொன்றை ஏற்பாடு செய்த அவர் இதனைக் குறிப்பிட்டார். அனைத்து வாக்கெண்ணும் மத்திய நிலையங்களிலும் இரவு 8 மணி முதல் 9 மணிக்குள் வாக்குகளை எண்ணும் நடவடிக்கை ஆரம்பிக்கப்படும்.
வாக்குப்பெட்டிகள் கிடைக்கப்பெற்றதன் பின்னர் வாக்குகளை எண்ணும் செயற்பாடு ஆரம்பமாகும்.
இந்நிலையில் இம்முறை ஜனாதிபதி தேர்தலில் தபால் மூல வாக்களிப்புக்கு 712,318 பேர் தகுதி பெற்றிருந்த நிலையில் அவர்களில் 6200 பேர் வாக்களிக்கவில்லை. நாட்டிலுள்ள 429 வாக்கு எண்ணும் நிலையங்களில் தபால் வாக்குகள் எண்ணப்படும் செயற்பாடு மாலை 4 மணிக்கு ஆரம்பமாகுமென தேர்தல்கள் ஆணையாளர் சமன் ஸ்ரீ ரத்னாயக்க தெரிவித்துள்ளார்.
