ஆப்கானை எதிர்கொள்ளும் இலங்கை அணி

By ITN News Editor அக்டோபர் 30, 2023 09:59

உலகக் கிண்ண ஒருநாள் கிரிக்கெட் தொடரில் இலங்கை அணிக்கும் ஆப்கானிஸ்தான் அணிக்கும் இடையிலான போட்டி இன்று (30) நடைபெறவுள்ளது.

இந்தப் போட்டி புனேயில் உள்ளூர் நேரப்படி பிற்பகல் 2.00 மணிக்கு ஆரம்பமாகிறது.

பயிற்சியின் போது இலங்கை அணியின் வேகப்பந்து வீச்சாளர் லஹிரு குமார உபாதைக்கு உள்ளானதை அடுத்து அவருக்கு பதிலாக துஷ்மந்த சமிர இலங்கை அணியில் இணைக்கப்பட்டுள்ளார்.

மேலும் இதற்கு சர்வதேச கிரிக்கெட் பேரவையின் தொழில்நுட்ப குழுவும் ஒப்புதல் அளித்துள்ளது.

அதன்படி இன்றைய போட்டியில் துஷ்மந்த சமிர விளையாடவுள்ளார்.

இதேவேளை இன்றைய போட்டியில் குசல் ஜனித் பெரேராவிற்கு பதிலாக திமுத் கருணாரத்ன ஆரம்ப துடுப்பாட்ட வீரராக களமிறங்குவதற்கான வாய்ப்புகள் அதிகம் காணப்படுவதாக கிரிக்கெட் தகவல்கள் தெரிவிக்கின்றன.