தேசிய வைத்தியசாலையின் நுண்ணுயிரியல் பிரிவு இரண்டு மாதங்களாக செயற்படாத காரணத்தினால் சுமார் மூன்று இலட்சம் ரூபா பெறுமதியான பல பரிசோதனைகள் தனியாருக்கு ஒரேயடியாக அனுப்பி வைக்கப்படுவதாக சுகாதார வல்லுநர்கள் சங்கத்தின் தலைவர் ரவி குமுதேஷ் தெரிவித்துள்ளார்.
மேலும், பரிசோதனைகளை அந்தந்த தனியார் ஆய்வகங்களுக்கு அனுப்பும் அதிகாரிக்கு 20% முதல் 40% வரை கமிஷன் வழங்கப்படுகிறது என்றும் அவர் குற்றம் சாட்டியுள்ளார்.
இதனால் அதிகாரிகள் தாங்கள் பெறும் கமிஷனை இழக்க நேரிடும் என்பதால் அரசு ஆய்வகங்களை சீரமைக்க மாட்டார்களா என்ற சந்தேகம் எழுந்துள்ளதாகவும் அவர் குறிப்பிட்டார்.
தேசிய வைத்தியசாலையின் நுண்ணுயிரியல் பிரிவினால் நோயாளிகள் தினமும் சுமார் 200 சிறுநீர் பரிசோதனைகள் வரை மேற்கொள்ளப்படும். தினமும் சுமார் பத்தாயிரம் பரிசோதனைகள் தனியார் ஆய்வகங்களுக்கு திருப்பி விடப்படுவதாகவும்
தேசிய வைத்தியசாலைக்கு அருகாமையில் உள்ள ஆய்வுகூடத்தில் இப் பரிசோதனைகளை மேற்கொள்வதற்கு குறைந்தது 3000 ரூபாவுக்கும் அதிகமாக செலவழிக்க வேண்டியுள்ளதாகவும், பணப்பற்றாக்குறை காரணமாக பல நோயாளர்கள் தமக்கு பரிந்துரைக்கப்பட்ட வைத்திய பரிசோதனைகளை செய்வதில்லை எனவும் அவர் தெரிவித்துள்ளார்.
பரிந்துரைக்கப்பட்ட மருத்துவ பரிசோதனைகள் செய்யாததால், நோயாளிகளின் நிலை மோசமாகி மருத்துவமனையில் அனுமதிக்கப்பட வேண்டிய நிலை உள்ளது என்றும் அவர் கூறினார்.
இதனால் ஏற்படும் சிக்கல்களைக் கட்டுப்படுத்த சுகாதார அமைச்சு பெருமளவு பணத்தைச் செலவிட வேண்டியிருக்கும் என்றும் ரவி குமுதேஷ் தெரிவித்துள்ளார்.
