அமெரிக்காவின் நியூயார்க் நகரில் கார் பார்க்கிங் பகுதி திடீரென இடிந்து விழுந்ததில் சிக்கி ஒருவர் பலியாகி உள்ளார். 5 பேர் காயம் அடைந்து உள்ளனர்.
அமெரிக்காவின் நியூயார்க் நகரில் பேஸ் பல்கலைக்கழகம் அருகே மான்ஹாட்டன் பகுதியில் 4 தளங்கள் கொண்ட கட்டிடத்தில், கார்களை வரிசையாக நிறுத்தும் பார்க்கிங் பகுதி அமைந்து உள்ளது.
இதன் ஒரு பகுதி திடீரென இடிந்து விழுந்து உள்ளது. அது கீழ் தளத்தின் மீது விழுந்ததில் பெரும் பாதிப்புகளை ஏற்படுத்தி உள்ளது. சிறிய மற்றும் பெரிய ரக கார்கள் என ஒன்றன் மீது ஒன்று விழுந்து உள்ளன.
2003-ம் ஆண்டில் இருந்தே 25 விதிமீறல்கள் உள்பட, இதுவரை மொத்தம் 45 விதிமீறல்கள் இந்த கட்டிடத்தில் காணப்பட்டு உள்ளன. 20 ஆண்டுகளுக்கு முன் மேற்கூரையில் விரிசல்கள் பதிவு செய்யப்பட்டு உள்ளன. இதற்காக அபராதமும் கூட விதிக்கப்பட்டு உள்ளது. கட்டிடம் சரிந்ததில் அருகேயிருந்த கட்டிடங்களும் கூட குலுங்கி உள்ளன. இதனால், அந்த பகுதியை சேர்ந்த மக்கள் அதிர்ச்சி அடைந்து உள்ளனர். எனினும், அருகேயிருந்த மக்கள் உடனடியாக பாதுகாப்பான வேறு இடங்களுக்கு வெளியேற்றப்பட்டனர்.
