பிரான்ஸ் அதிபர் சீனாவுக்கு திடீர் பயணம்

By ITN News Editor ஏப்ரல் 6, 2023 15:49

பிரான்ஸ் அதிபர் இம்மானுவேல் மேக்ரான் இன்று சீனாவுக்கு திடீர் பயணம் மேற்கொண்டு உள்ளார். இந்த பயணத்தில் அந்நாட்டு அதிபர் ஜீ ஜின்பிங்கை நேரில் சந்தித்து பேசுகிறார்.

இதுபற்றி மேக்ரான் கூறும்போது, அமைதியை கட்டமைப்பதில் சீனா ஒரு பெரும் பங்கு வகிக்கிறது என்று நான் உறுதியாக நம்புகிறேன். அதனாலேயே, நான் ஆலோசனை நடத்துவதற்காக சீனாவுக்கு வருகை தந்து உள்ளேன் என தெரிவித்து உள்ளார். அவருடன், எங்களுடைய வர்த்தகம், பருவநிலை மற்றும் உயிர்ச்சூழல் மற்றும் உணவு பாதுகாப்பு உள்ளிட்ட விசயங்கள் பற்றி ஆலோசிக்க இருக்கிறேன் என மேக்ரான் தனது டுவிட்டரில் தெரிவித்து உள்ளார்.

ஒருபுறம் அமெரிக்காவுடன் சேர்ந்து, ஐரோப்பிய நாடுகள் சீனாவுக்கு எதிராகவும், எச்சரிக்கை விடுவது போலவும் தங்களை காட்டி கொண்டாலும், அந்நாட்டுடனான உறவை தொடர்வதிலும் தயக்கமற்ற நிலைப்பாட்டை வெளிப்படுத்தி வருகிறது.