ரஷ்ய ஜனாதிபதி விளாடீமீர் புடின் இந்தியாவுக்கு நாளை விஜயம் செய்யவுள்ளார். ரஷ்ய ஜனாதிபதியுடன் அந்நாட்டின் முக்கிய ஒரு சில அமைச்சர்களும் விஜயம் செய்யவுள்ளதாக அங்கிருந்து கிடைக்கும் செய்திகள் தெரிவிக்கின்றன.
21 வது ரஷ்ய இந்திய மாநாட்டில் கலந்துகொள்வதற்காகவே இவ்விஜயம் அமைகிறது. இதன்போது ஆப்கானிஸ்தானின் பாதுகாப்பு நிலை மற்றும் கொவிட் தொற்றை கட்டுப்படுத்தல் போன்றவிடயங்கள் குறித்தும் கலந்துரையாடப்படவுள்ளதாக இந்திய வெளியுறவு அமைச்சின் ஊடகப்பேச்சாளர் அரவிந்த பாகச்சி தெரிவித்துள்ளார். இதற்கு மேலதிகமாக இரு நாடுகளுக்கும் இடையிலான மூலோபாய புரிந்துணர்வை மேம்படுத்திக்கொள்வது குறித்தும் கலந்துரையாடப்படும்.
