அனைத்து பாடசாலைகளிலும் கல்வி நடவடிக்கைகள் இன்று முதல் வழமைக்கு..

By ITN News Editor செப்டம்பர் 8, 2020 12:27

நாட்டில் உள்ள அனைத்து பாடசாலைகளிலும் கல்வி நடவடிக்கைகள் இன்று வழமை போன்று ஆரம்பமாகின. இதற்கு முன்னர் கொரோனா தொற்றிற்கு மத்தியில் பாடசாலைகளின் கல்வி நடவடிக்கைகள் பல கட்டங்களின் கீழ் ஆரம்பமாகின. இதற்கு அமைவாக வழமை போன்று ஆரம்பமான பாடசாலை கல்வி நடவடிக்கைகள் சுகாதார வழிகாட்டிகளுக்கு அமைவாக மேற்கொள்ளப்படுவதாக கல்வி அமைச்சு தெரிவித்துள்ளது.

சுகாதார பாதுகாப்பு தொடர்பில் பாடசாலை சுற்றாடல் பகுதியில் அடிக்கடி கண்காணிப்பு நடவடிக்கைகள் மேற்கொள்ளப்படும் என்று பொது மக்கள் சுகாதார பரிசோதனையாளர்களின் சங்கம் தெரிவித்துள்ளது. காய்ச்சல், தடிமன், தும்மல் போன்ற நோய் அறிகுறிகள் காணப்படுமாயின் அவ்வாறான மாணவர்களை பாடசாலை அனுப்புவதை தவிர்த்துக்கொள்ளுமாறு பெற்றோர்கள் அறிவுறுத்தப்பட்டுள்ளனர்.