அரிசிக்கான உயர்ந்தபட்ச சில்லறை விலை நிர்ணயிக்கப்பட்டுள்ளது. அதுதொடர்பான வர்த்தமானி அறிவித்தல் இன்று வெளியிடப்படவுள்ளதாக அரச அச்சக அதிபர் கங்கானி லியனகே தெரிவித்துள்ளார். உயர்ந்தபட்ச சில்லறை விலைக்கமைய ஒரு கிலோ கிராம் நாடு அரிசி 96 ரூபாவாகவும் , சம்பா அரிசி ஒரு கிலோ கிராம் 98 ரூபாவாகவும் நிர்ணயிக்கப்பட்டுள்ளது. ஒரு கிலோ கிராம் கீரி சம்பாவின் உயர்ந்தபட்ச சில்லறை விலை 125 ரூபாவாவென பாவனையாளர் அலுவல்கள் அதிகார சபை தெரிவித்துள்ளது.