வெளிநாட்டு நாணயத்தாள்களுடன் இந்திய நாட்டவரொருவர் கட்டுநாயக்க சர்வதேச விமான நிலையத்தில் கைதுசெய்யப்பட்டுள்ளார். சிங்கப்பூர் நோக்கி பயணிப்பதற்கென இன்று அதிகாலை விமான நிலையத்திற்கு வருகைத்தந்த சந்தேக நபர் சுங்க அதிகாரிகளால் கைதாகியுள்ளார். சந்தேக நபரிடமிருந்து ஸ்ரேலின் பவுண், யூரோ மற்றும் சவூதி ரியால் ஆகிய வெளிநாட்டு நாணயத்தாள்கள் கைப்பற்றப்பட்டதாக சுங்கப்பிரிவினர் தெரிவித்துள்ளனர்.
உடுதும்புர, சூரிய அரண பகுதியில் இளைஞரொருவர் நீரில் மூழ்கி காணாமல்போயுள்ளார். தனது நண்பர்களுடன் நீராடச்சென்ற குறித்த இளைஞன் காணாமல்போயுள்ள நிலையில், அவரை தேடும்பணிகள் முன்னெடுக்கப்பட்டுள்ளதாக பொலிஸார் தெரிவித்துள்ளனர். கடற்படைஅதிகாரிகள் மற்றும் பிரதேசவாசிகளும் அவரை தேடும் பணியில் ஈடுபட்டுள்ளனர். போத்தல, அதுருப்பல பகுதியை சேர்ந்த 20 வயதான இளைஞரே இவ்வாறு காணாமல்போயுள்ளார்.
சீனாவில் பயணிகள் பஸ் ஒன்று விபத்துக்குள்ளானதில் 13 பேர் பலியாகியுள்ளனர். மேலும் இருவர் காணாமல்போயுள்ளனர். ச்சொங்கிங் பகுதியிலுள்ள பாலமொன்றில் விபத்து இடம்பெற்றுள்ளது. பஸ்ஸின் சாரதிக்கும், பயணிகளுக்குமிடையில் வாய்த்தர்க்கம் ஏற்பட்டுள்ளது. வாய்த்தர்க்கம், கைகலப்பாக மாறிய நிலையில் பஸ் கட்டுப்பாட்டை இழந்து பாலத்திலிருந்து, ஆற்றில் வீழ்ந்துள்ளதாக அந்நாட்டு தகவல்கள் தெரிவிக்கின்றன.
சிவகார்த்திகேயன் புரொடக்ஷன்ஸ் சார்பில் நடிகர் சிவகார்த்திகேயன் தயாரிப்பாளராக அறிமுகமாகும் படம் `கனா’. நடிகர், பாடகர், பாடலாசிரியர் என பன்முகத் திறமைகளை கொண்ட அருண்ராஜா காமராஜ் இந்த படத்தின் மூலம் இயக்குநராக அறிமுகமாகிறார். மகளிர் கிரிக்கெட்டை மையப்படுத்தி உருவாகி இருக்கும் இந்த படத்தில் ஐஸ்வர்யா ராஜேஷ் கிரிக்கெட் வீராங்கணையாக நடித்திருக்கிறார். அவரது அப்பாவாக சத்யராஜ் முக்கிய கதாபாத்திரத்தில்
நாட்டின் பல பகுதிகளில் வடக்கு, கிழக்கு, வடமத்திய மற்றும் ஊவா மாகாணங்களில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுவதாக வளிமண்டலவியல் திணைக்களம் தெரிவித்துள்ளது. ஏனைய பிரதேசங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது மேல், மத்திய மற்றும் சப்ரகமுவ
எரிபொருளுக்கான புதிய விலை நேற்று நள்ளிரவு முதல் அமுல்படுத்தப்பட்டுள்ளது. ஒக்டெயின் 92 ரக பெற்றோல் ஒரு லீற்றரின் விலை 10 ரூபாவினால் குறைக்கப்பட்டுள்ளது. ஒட்டோ டீசல் ஒரு லீற்றரின் விலை 7 ரூபாவினாலும் குறைக்கப்பட்டுள்ளதாக நிதி மற்றும் பொருளாதார அமைச்சு தெரிவித்துள்ளது. முச்சக்கர வண்டி மற்றும் விவசாய உபகரணங்களுக்காக பயன்படுத்தப்படுகின்ற எரிபொருள் வகையின் விலையும் 10
சிரியாவில் இராட்சத பிரேதக்குழியொன்றிலிருந்து ஆயிரத்து 500 பேரின் எலும்புக்கூடுகள் கண்டுப்பிடிக்கப்பட்டுள்ளன. ஐளுஐளு பயங்கரவாதிகள் ஆதிக்கம் செலுத்தி வந்த ரக்கா நகரிலிருந்தே குறித்த எலும்புக்கூடுகள் கண்டுப்பிடிக்கப்பட்டுள்ளன. இதுவரை ரக்கா நகரில் 4 ஆயிரத்துக்கும் மேற்பட்டோரின் உடல்கள் மீட்கப்பட்டுள்ளதாக சர்வதேச செய்திகள் தெரிவிக்கின்றன.
ஹெரோயின் மற்றும் கொக்கெய்ன் போதைப்பொருட்களுடன் பெண்ணொருவர் கைதுசெய்யப்பட்டுள்ளார். மத்திய கொழும்பு சட்ட அமுலாக்க பிரிவினல் மருதானை பிரதேசத்தில் முன்னெடுத்த சுற்றிவளைப்பின்போதே அவர் கைதாகியுள்ளார். சந்தேக நபரிடமிருந்து 100 கிரேம் 970 மில்லி கிரேம் ஹெரோயின் போதைப்பொருள் மற்றும் 16 கிரேம் கொக்கெய்ன் போதைப்பொருள் கைப்பற்றபபட்டுள்ளது. அவரை மாளிகாவத்தை நீதவான் நீதிமன்றில் ஆஜர்ப்படுத்த நடவடிக்கை எடுக்கப்பட்டுள்ளது.
தீபாவளி பண்டிகையை முன்னிட்டு பிரதான நகரங்களை அண்மித்த பகுதிகளில் விசேட பாதுகாப்பு வேலைத்திட்டங்கள் நடைமுறைப்படுத்தப்பட்டுள்ளதாக பொலிஸார் தெரிவித்துள்ளனர். தீபாவளி பண்டிகை எதிர்வரும் 6ம் திகதி கொண்டாடப்படவுள்ளது. தற்போது ஹட்டன் உள்ளிட்ட நகரங்களுக்கு பெருமளவான மக்கள் வருகைத்தந்த வண்ணமுள்ளனர். அவர்களின் பாதுகாப்பை உறுதிசெய்வதற்கென பாதுகாப்பு வேலைத்திட்டங்கள் முன்னெடுக்கப்பட்டுள்ளதாக பிரதான பொலிஸ் பரிசோதகர் மொஹமட் ஜெமில் தெரிவித்துள்ளார்.
இன்று மற்றும் நாளை மேலும் சில பாராளுமன்ற உறுப்பினர்கள் அமைச்சர்களாக பதவிப்பிரமாணம் செய்யவுள்ளனர். ஐக்கிய தேசிய கட்சியின் பாராளுமன்ற உறுப்பினர்கள் சிலரும் அமைச்சர்களாக நியமிக்கப்படவுள்ளதாக அமைச்சர் மஹிந்த அமரவீர தெரிவித்துள்ளார். நேற்றைய தினம் இரு அமைச்சர்கள், 5 இ%
© 2021 Copyright ITN News. All Rights reserved by Independent Television Network Ltd.
Powered by ITN WebMasters
