එක්සත් අරාබි එමීර් රාජ්‍යයේ පැවැත්වෙන ආසියානු වයස 19න් පහළ එක්දින ක්‍රිකට් තරගාවලිය යටතේ ශ්‍රී ලංකා කණ්ඩායම ක්‍රීඩාකළ පළමු තරගයෙන් ජය ලබා ගැනීමට ශ්‍රී ලංකා යොවුන් ක්‍රීඩකයන් සමත් වුණා.
ඊයේ (29) සාජාහිදී පැවැති මෙම තරගයේදී නේපාලය පරදවා ලකුණු 55ක ජයක් ලැබීමට ශ්‍රී ලංකා 19 න් පහළ කණ්ඩායම සමත් වුණා.
තරඟයේ පළමුවෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 අවසානයේ සියලු දෙනා දැවී රැස් කළ ලකුණු සංඛ්‍යාව 233ක්.
එහිදී ශාරුජන් ෂම්මුගනාදන් ලකුණු 62ක් සහ ලක්වින් අබේසිංහ ලකුණු 50ක් රැස් කළා.
ජයග්‍රාහී ලකුණු 234ක ඉලක්කයක් හඹා යාමට පිටියට පිවිසි නේපාල වයස අවුරුදු 19න් පහළ ක්‍රිකට් කණ්ඩායමට පන්දුවාර 46යි පන්දු 02ක් අවසානයේ සියලු ක්‍රීඩකයින් දැවී රැස්කිරීමට හැකිවූයේ ලකුණු 178ක් පමණයි.
