පවතින අධික වර්ෂාව සමඟ ජාතික ගොඩනැගිලි පර්යේෂණ සංවිධානය විසින් නායයාමේ පූර්ව අනතුරු ඇඟවීමේ නිවේදනයක් නිකුත් කර තිබෙනවා.
ඒ අනුව මෙම අනතුරු ඇඟවීමේ නිවේදනය අද (26) 20:00 සිට (27) දින 20:00 දක්වා බලත්මකයි .
අනතුරු ඇඟවීමේ මට්ටම 3 මට්ටම ලෙස මහනුවර දිස්ත්‍රික්කයේ.
හාරිස්පත්තුව, මැදදුම්බර, මහනුවර සතර සොහොන් හෝ ගංගාවට කෝරළය, උඩුදුම්බර, දොළුව, යටිනුවර, උඩපලාත, පාතහේවාහැට, උඩුනුවර, එල් සහ පාතදු යන ප්‍රදේශයන් නම් කර තිබෙන බවයි ජාතික ගොඩනැගිලි පර්යේෂණ සංවිධානය පවසන්නේ.
එමෙන්ම මාතලේ දිස්ත්‍රික්කයේ උකුවෙල, යටවත්ත, රත්තොට, විල්ගමුව, අඹන්ගඟ කෝරළය, ලග්ගල පල්ලේගම, පල්ලෙපොල, නාඋල සහ මාතලේයන දිස්ත්‍රික්කද නුවරඑළිය දිස්ත්‍රික්කයේ වලපනේ ප්‍රදේශය දක්වා තිබෙනවා .
අනතුරු ඇඟවීමේ මට්ටම 2 ලෙස බදුල්ල දිස්ත්‍රික්කයේ මීගහකිවුල, පස්සර, හාලි ඇල, බදුල්ල, බණ්ඩාරවෙල, වැලිමඩ සහ හපුතලේ යන ප්‍රදේශ මෙන්ම මහනුවර දිස්ත්‍රික්කයේ පූජාපිටිය, පන්විල, ගඟවට කෝරළය, තුම්පනේ, පස්බාගේ කෝරළය, ගඟ ඉහළ කෝරළය, අකුරණ සහ හතරලියද්ද කෑගල්ල දිස්ත්‍රික්කයේ මාවනැල්ල සහ අරණායක යන ප්‍රදේශ මෙන්ම කුරුණෑගල දිස්ත්‍රික්කයේ රිදීගම සහ , මාවතගම නුවරඑළිය දිස්ත්‍රික්කයේ කොත්මලේ සහ හඟුරන්කෙත යන ප්‍රදේශයන් අනතුරු ඇඟවීමේ නිවේදනයේ සඳහන්.
අනතුරු ඇඟවීමේ මට්ටම 1 ලෙස බදුල්ල දිස්ත්‍රික්කයේ ලුණුගල, ඇල්ල, සොරණතොට, කන්දෙකැටිය, ඌව පරණගම සහ හල්දුම්මුල්ල
ගාල්ල දිස්ත්‍රික්කයේ නාගොඩ, බද්දේගම සහ ඇල්පිටිය ද කළුතර දිස්ත්‍රික්කයේ බුලත්සිංහල ප්‍රදේශයද කෑගල්ල දිස්ත්‍රික්කයේ බුලත්කොහුපිටිය, කෑගල්ල, යටියන්තොට, රඹුක්කන සහ දැරණියගල ප්‍රදේශ නම් කර ඇති අතර මාතර දිස්ත්‍රික්කයේ පිටබැද්දර , නුවරඑළිය දිස්ත්‍රික්කයේ නුවරඑළිය සහ අඹගමුව,
රත්නපුර දිස්ත්‍රික්කයේ විවෘතනායක, ඉඹුල්පේ, පැල්මඩුල්ල, කහවත්ත, බලංගොඩ, රත්නපුර, ඇහැලියගොඩ සහ කුරුවිට යන ප්‍රදේශ නම් කර තිබෙන බවයි ජාතික ගොඩනැගිලි පර්යේෂණ සංවිධානය සඳහන් කළේ.
