උසස් පෙළට කාළගුණය හරස් වෙයි – හෙට සිට දින තුනක් විභාගය නොපැවැත්වේ

පවතින වැසි සහිත කාලගුණ තත්ත්වය හේතුවෙන් හෙට(27) සිට ඉදිරි දින තුන සඳහා උසස් පෙළ විභාගය නොපැවැත්වීමට විභාග දෙපාර්තමේන්තුව තීරණය කර තිබෙනවා.

ඒ අනුව 27, 28 සහ 29 යන දින තුනේ එම විභාගය පැවැත්වෙන්නේ නැති බවයි සඳහන් වන්නේ .

30වන සෙනසුරාදා විභාගය සුපුරුදු පරිදි පැවැත්වෙන අතර කාලසටහනේ එදිනට නියමිත විෂයට අදාළව එම විභාගය පැවැත්වෙනු ඇති බව සඳහන් වෙනවා .

ඒ අනුව විභාගය නොපැවැත්වෙන 27, 28 සහ 29 යන දින තුනට අදාළ විෂයන්වල ප්‍රශ්න පත්‍ර යළි සිසුන්ට ලබා දී එම විභාගය පැවැත්වෙන්නේ දෙසැම්බර් මස 21, 22 සහ 23 දින තුන තුළ දීයි.