කොල්කටාහි නිරූපිකාවක් දිල්ලියෙහි පිහිටි ඉන්දියා ගේට් අසල සුදු පැහැති තුවායක් ඇඳගෙන නර්තනයේ යෙදෙන වීඩියෝවක් සමාජ මාධ්‍ය පුරා සංසරණය වෙනවා.
ඊයේ (20) දිනට යෙදී තිබූ ජාත්‍යන්තර පිරිමි දිනය වෙනුවෙන් ඇය මෙම නර්තනය සිදු කර තිබෙනවා.
ජනප්‍රිය බොලිවුඩ් චිත්‍රපටියක් වන Dilwale Dulhania Le Jayenge හි අඩංගු ගීතයක් රඟ දක්වමින් ඇය නටමින් සිටින අයුරුයි එම වීඩියෝවේ දැක්වෙන්නේ.
ඇය මෙම වීඩියෝව ”සුභ ජාත්‍යන්තර පිරිමි දිනයක් වේවා” යනුවෙන් සටහනක් තබමිනුයි සමාජ මාධ්‍ය තුළ පළ කර ඇත්තේ.
ඇයගේ මෙම වීඩියෝවට සමාජයෙන් දැඩි දෝෂාරෝපණ එල්ල වන බවයි විදෙස් මාධ්‍ය වැඩිදුරටත් පෙන්වා දෙන්නේ.
