යාල රක්ෂිතයට හානි සිදුකරමින් ගංජා හේන් 2 ක් පවත්වාගෙන ගිය සැකකරුවන් 3 දෙනෙක් අත්අඩංගුවට ගත් බව විශේෂ කාර්ය බලකාය පවසනවා.
වැටලීම සිදුකර තිබෙන්නේ ගෝනගංආර පොලිස් වසමේ යාල රක්ෂිතයට අයත් වෙහෙරගල ප්‍රදේශයේදී.
ඔවුන් එම ප්‍රදේශය එළිපෙහෙලි කර ගංජා වගාකර තිබූ බවයි විශේෂ කාර්ය බලකාය සඳහන් කළේ.
වවා තිබූ පැල ගිනි තබා විනාශ කිරිමටත් ආරක්ෂක අංශ පියවර ගෙන තිබෙනවා.
එවැනි නීතිවිරෝධි ක්‍රියා වැළැක්විම සඳහා අඛණ්ඩව මෙහෙයුම් සිදුකරන බවයි විශේෂ කාර්ය බලකාය පවසන්නේ.
