ඉන්දියාවේ පැවති වයස අවුරුදු 18 න් පහළ ආසියානු කනිෂ්ඨ ස්ක්‍රැබල් තරගාවලියේ ශූරතාවය දිනා ගත් අදීශ දිසානායක අද (13) දින උදෑසන කටුනායක ගුවන් තොටුපොළ වෙත පැමිණ තිබෙනවා.
මෙම තරගාවලිය ඉන්දියාවේ නවදිල්ලි නුවර ආසියානු රටවල තරගකරුවන් 48 දෙනෙකුගේ සහභාගීත්වයෙන් ඉකුත් (10) දින සිට (12) දින දක්වා පවත්වා තිබුණා.
ස්ක්‍රැබල් යනු ඉංග්‍රීසි අකුරු වලින් වචන සෑදීමේ තරගකාරී වැඩසටහනක්.
අදීශ දිසානායක (13) දින උදෑසන 09.35 ට ඉන්දියාවේ නවදිල්ලි නුවර සිට ශ්‍රී ලන්කන් ගුවන් සේවයේ යූ.එල්.- 192 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
අදීශ දිසානායක වයස අවුරුදු 16 න් පහළ ස්ක්‍රැබල් ලෝක ශූරතා තරගාවලි 02 ක ශූරතාවය දිනා ගෙන ඇති අතර මෙවර වයස අවුරුදු 18 න් පහළ කනිෂ්ඨ ස්ක්‍රැබල් ලෝක ශූරතා තරගාවලියේ දී 03 වන ස්ථානය දිනා ගැනීමට සමත් වුණා.
