රුපියල් ලක්ෂ 80 කට ආසන්න වටිනාකමකින් යුත් රටබීම බෝතල් 210 ක් සහ දුම්වැටි 50,000 ක් ලොරි රථයකට පටවමින් සිටි සැකකරුවකු 3 වැනි හරස්වීදිය ප්‍ර දේශයේදී අද (6)දින සවස අත්අඩංගුවට ගත් බව පිටකොටුව පොලිසිය පවසනවා .
මෙසේ අත්අඩංගුවට ගෙන ඇත්තේ වයස අවුරුදු 54 ක් වන මාලිගාවත්ත ප්‍රදේශයේ පදිංචි පුද්ගලයෙක් .
සැකකරු මෙම රටබීම සහ සිගරැට් තොගය නුවර ප්‍රදේශයට යැවීම සඳහා කුඩා ලොරි රථයක පටවාගෙන 3 වැනි හරස්වීදියට පැමිණ ඇති අතර එහිදී නුවර බලා යන ලොරි රථයකට පටවමින් සිටියදී අත්අඩංගුවට ගත් බවයි පොලිසිය පැවසුවේ .
පිටකොටුව පොලිසිය වැඩිදුර විමර්ශන සිදුකරනවා .
