මත්ද්‍රව්‍ය ජාවාරම සම්බන්ධයෙන් විශේෂ කාර්ය බලකාය අත්අඩංගුවට ගත් ධම්මික සමන් කුමාර නමැත්තාගේ සමීපතමයෙකු අයිස් මත්ද්‍රව්‍ය තොගයක් සමග අත්අඩංගුවට ගැණුනා.
විශේෂ කාර්ය බලකාය සිදුකළ වැටලීමකදී මත්ද්‍රව්‍ය ජාවාරම් කළ ඕමල්පේ ධම්මික සමන් කුමාර නමැත්තා අත්අඩංගුවට ගැණුනා.
ඔහුගෙන් කළ ප්‍රශ්න කිරීම්වලට අනුව සිදුකළ මෙහෙයුම්වලදී මත්ද්‍රව්‍ය ජාවාරමට සම්බන්ධ දෙහිවල ප්‍රදේශයේ පදිංචි තවත් පුද්ගලයෙකුද අත්අඩංගුවට ගැණුනා.
ඒ මත්ද්‍රව්‍ය ග්‍රෑම් 12යි මිලිග්‍රෑම් 730ක් ද සමගින්.
මේ අතර විදේශයක සිට මත්ද්‍රව්‍ය ජාවාරම මෙහෙයවන බව කියන පොඩි තිලිණ යන අයගේ මත්ද්‍රව්‍ය ජාවාරමට සම්බන්ධ පුද්ගලයෙකු ද විශේෂ කාර්ය බලකාය අත්අඩංගුවට ගත්තා.
ඒ ගෝනහේන කඳවුරේ නිලධාරීන්ට ලැබුණ තොරතුරකට අනුවයි.
ඔහු ළඟ තිබී අයිස් මත්ද්‍රව්‍ය ද සොයාගෙන තිබෙනවා.
