අයිස් මත්ද්‍රව්‍ය, විදේශීය දුම්වැටි සහ නීතිවිරෝධී මත්පැන් තොගයක් සමඟ සැකකරුවන් දෙදෙනෙක් පුත්තලම නාගවිල්ලුව ප්‍රදේශයේදී අත්අඩංගුවට ගෙන තිබෙනවා.
ඒ ශ්‍රී ලංකා නාවික හමුදාව, පොලිස් මත්ද්‍රව්‍ය නාශක කාර්යංශය හා එක්ව ඊයේ (01) දින පුත්තලම, නාගවිල්ලුව ප්‍රදේශයේ සිදුකළ විශේෂ ඒකාබද්ධ සෝදිසි මෙහෙයුමක දී,
අලෙවි කිරීමට සූදානම් කර තිබූ අයිස් මත්ද්‍රව්‍ය ග්‍රෑම් අටක්, විදේශිය දුම්වැටි තුන්සිය විස්සක්, ගෝඩා ලීටර් හාරසිය හතලිහක් සහ නීති විරෝධී ලෙස සකස් කළ ස්ප්‍රීතු හා මත්පැන් ලීටර් සියයක් නිලධාරීන් භාරයට ගෙන තිබෙනවා.
සැකකරුවන් අවුරුදු 28ක් සහ 39ක් වන පාලවිය සහ පුත්තලම යන ප්‍රදේශයන්වල පදිංචිකරුවන්.
අත්අඩංගුවට ගත් සැකකරුවන් දෙදෙනා, අයිස් මත්ද්‍රව්‍ය, විදේශිය දුම්වැටි, ගෝඩා, ස්ප්‍රීතු සහ නීති විරෝධී මත්පැන් ඉදිරි නීතිමය කටයුතු සඳහා පුත්තලම පොලිස් මත්ද්‍රව්‍ය නාශක කාර්යංශය වෙත භාරදීමට කටයුතු කර තිබෙනවා.
