ජනලේඛන සහ සංඛ්‍යාලේඛන දෙපාර්තමේන්තුව අද (30) දින 2024 සැප්තැම්බර් මාසය සඳහා කොළඹ පාරිභෝගික මිල දර්ශකය (කො.පා.මි.ද.) සහ කොළඹ නාගරික ප්‍රජාවගේ පාරිභෝගික උද්ධමන අනුපාතය ප්‍රකාශයට පත් කර තිබෙනවා
ඒ අනුව කොළඹ නාගරික ප්‍රජාවගේ පාරිභෝගික උද්ධමන අනුපාතය 2024 සැප්තැම්බර් මාසය සඳහා -0.5% ක් දක්වා අඩු වී ඇති අතර එය 2024 අගෝස්තු මාසය සඳහා 0.5% ක් ලෙස වාර්තා වී තිබුණා.
2024 සැප්තැම්බර් මාසයේ දී ආහාර කාණ්ඩයේ වාර්ෂික උද්ධමනය(ලක්‍ෂ්‍යමය) -0.3% දක්වා අඩු වී ඇති අතර 2024 අගෝස්තු මාසයේ දී එය 0.8% ක් ලෙසයි වාර්තා වන්නේ.
එමෙන්ම, 2024 සැප්තැම්බර් මාසය සඳහා ආහාර නොවන කාණ්ඩයේ වාර්ෂික උද්ධමනය(ලක්‍ෂ්‍යමය) -0.5% ක් දක්වා අඩු වී ඇති අතර එය 2024 අගෝස්තු මාසයේ දී 0.4% ක් ලෙස වාර්තා වුණා.
