ශ්‍රි ලංකාව හා නවසීලන්තය අතර දෙවන ටෙස්ට් ක්‍රිකට් තරගයේ තුන්වන දිනය අදයි.
ඊයේ දිනය නිමා වනවිට කඩුලු 2 ක් දැවි ලකුණු 22 ක් ලබාසිටි නවසීලන්ත පළමු ඉනිම ලකුණු 88 කට සීමා කිරිමට ශ්‍රි ලංකා පන්දු යවන්නන් අද දිනයේදි සමත් වුණා.
එහි මුලිකත්වය ගත් ප්‍රභාත් ජයසූරිය කඩුලු 6 ක් බිද හෙලුවේ ලකුණු 42 ක් පමණක් ලබා දෙමින්.
මෙම තරගයේදි ටෙස්ට් වරම් හිමිකරගත් නිශාන් පීරිස් ලකුණු 33 කට කඩුලු 3 ක් බිඳ හෙලුවා.
නවසීලන්ත ඉනිමේ වැඩිම ලකුණු ලාභියා වූයේ ලකුණු 29 ක් ලැබු මිචෙල් සැන්ට්නර්.
ශ්‍රි ලංකාව පළමු ඉනිම වෙනුවෙන් ලකුණු 602 ක් ලැබුවේ කඩුලු 5 ක් පමණක් දැවි තිබියදි.
ඒ අනුව ලකුණු 514 ක් පසුපසින් සිටින නවසීලන්තය දෙවන ඉනිම සඳහා පන්දුවට පහර දෙනවා.
