රට තුළ යහපත් මාධ්‍ය සංස්කෘතියක් ගොඩනැගීමට කැපවී කටයුතු කරන බව නව ජන මාධ්‍ය අමාත්‍ය විජිත හේරත් මහතා පවසනවා.
ජන මාධ්‍ය , බුද්ධ ශාසන සහ ආගමික කටයුතු යන අමාත්‍යාංශවල වැඩ භාරගැනීමේ අවස්ථාවට එක්වෙමිනුයි අමාත්‍යවරයා මේ බව සඳහන් කළේ.
මේ අතර බුදුදහමට ආණ්ඩුක්‍රම ව්‍යවස්ථාවේ 9 වන වගන්තියේ හිමිව තිබෙන ස්ථානය එලෙසින්ම රැක ගන්නා බව මෙහිදි වැඩිදුරටත් අදහස් දැක්වු අමාත්‍යවරයා සඳහන් කළා.
ජන මාධ්‍ය , බුද්ධ ශාසන සහ ආගමික කටයුතු අමාත්‍ය විජිත හේරත් මහතා අද එම අමාත්‍යාංශවල රාජකාරී ආරම්භ කළා.
ඒ ජන මාධ්‍ය අමාත්‍යාංශයේදීයි.
මෙහිදි සර්ව ආගමික පූජකවරුන්ගේ ආශිර්වාද නව අමාත්‍යවරයාට හිමිවු අතර වැඩ භාරගැනීමෙන් අනතුරුව අමාත්‍ය විජිත හේරත් මහතා මෙලෙස මාධ්‍යයට අදහස් පළ කළා.
මේ අතර මහජන ආරක්ෂක අමාත්‍යවරයා ලෙස පත්වු විජිත හේරත් මහතා අද එම අමාත්‍යාංශයේ වැඩ භාරගැනීම සිදුකෙරුණා.
අමාත්‍යාංශ ලේකම් රවී සෙනෙවිරත්න මහතා ඇතුලු පිරිසක් මෙම අවස්ථාවට එක්ව සිටියා.
