ලෙබනනයේ හිස්බුල්ලා ඉලක්ක රැසක් වෙත ප්‍රහාර එල්ල කළ බව ඊශ්‍රායලය නිවේදනය කරනවා.
හිස්බුල්ලා සංවිධානයේ රොකට් විදිනයන් සියයකට අධික සංඛ්‍යාවක් ඉලක්ක කර මෙහිදී ප්‍රහාර එල්ල කළ බවයි ඊශ්‍රායලය සඳහන් කරන්නේ.
එමෙන්ම හිස්බුල්ලා සංවිධානයේ අවි ආයුධ ගබඩා ඇති බවට සැක කෙරෙන ස්ථාන කිහිපයකට ද ප්‍රහාර එල්ලකර ඇති බවද වාර්තා වනවා.
ඊශ්‍රායලයට ප්‍රහාර එල්ල කිරීම සඳහා එම රොකට් විදිනයන් සූදානම් කර තිබූ බවයි ඊශ්‍රායල ආරක්ෂක අංශ නිවේදනය කරන්නේ.
කෙසේ වුවද ලෙබනනය සඳහන් කරන්නේ ඊශ්‍රායලය ගුවන් ප්‍රහාර 52ක් පමණ එල්ල කළ බවයි.
ඊට ප්‍රතිප්‍රහාර ලෙස තම ආරක්ෂක අංශයන් ද උතුරු දිග ඊශ්‍රායලයේ හමුදා ඉලක්ක වෙත ප්‍රහාර එල්ල කළ බව ඔවුන් පවසනවා.
