අද දින අළුයම් කාලයේ කුරුණෑගල සිට හලාවත දෙසට ගමන් ගත් ලොරි රථයක් මාර්ගයේ මැද වාඩී වී සිටී පුද්ගලයකුගේ ගැටී අනතුරක් සිදුවී තිබෙනවා .
අනතුරින් තුවාල ලැබූ පදිකයා බිංගිරිය රෝහලට ඇතුළත් කිරීමෙන් පසුව වැඩිදුර ප්‍රතිකාර සඳහා කුලියාපිටිය රෝහලට ඇතුළත් කළ බවයි පොලිසිය ප්‍රකාශ කරන්නේ .
තුවාලකරු කුලියාපිටිය රෝහලට ඇතුළත් කිරීමෙන් පසුව මිය ගිය බවයි සඳහන් වන්නේ .
මියගිය පුද්ගලයා බිංගිරිය ප්‍රදේශයේ 70 හැවිරිදි පුද්ගලයෙක් .
අනතුර සිදුකළ ලොරි රථයේ රියදුරුව අත්අඩංගුවට ගෙන ඇති අතර අනතුර සම්බන්ධයෙන් බිංගිරිය පොලිසිය වැඩිදුර විමර්ශන සිදුකරනවා .
