ශ්‍රී ලංකාව සහ නවසීලන්තය අතර පැවැත්වීමට නියමිත ටෙස්ට් තරග දෙකක් සදහා නවසීලන්ත ටෙස්ට් ක්‍රිකට් කණ්ඩායම අද (14) පස්වරුවේ කටුනායක ගුවන් තොටුපොළ වෙත පැමිණියා.
සැප්තැම්බර් 18දා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වන තරගාවලියේ පළමු ටෙස්ට් තරගයට දින 6ක් වෙන් කර තිබෙනවා.
21 දින පැවැත්වීමට නියමිත ජනාධිපතිවරණය හේතුවෙන් එදින නිවාඩු දිනයක් ලෙස ප්‍රකාශයට පත් කර තිබෙනවා.
අනතුරුව, දෙවැනි ටෙස්ට් තරගය මේ මස 26 දා සිට 30දා දක්වා පැවැත්වීමට නියමිතයි.
මෙම තරගාවලියේදී නවසීලන්ත ක්‍රිකට් කණ්ඩායමේ දඟ පන්දු යැවීමේ පුහුණුකරු ලෙස ශ්‍රී ලංකා හිටපු ක්‍රිකට් ක්‍රීඩක රංගන හේරත් කටයුතු කරනවා.
