පොලිස් විශේෂ කාර්ය බලකාය සිදුකළ වැටලිමකදී රුපියල් කෝටි පහකට අධික වටිනාකමකින් යුතු කේරල ගංජා තොගයක් අත්අඩංගුවට ගෙන තිබෙනවා.
පුත්තලම කදවුරේ නිලධාරීන්ට ලැබුණ තොරතුරකට අනුව රාජාංගනය යාය 14 ප්‍රදේශයේදී වැටලීම සිදු කෙරුණේ.
කවර 94ක බහා තිබු කේරල ගංජා කිලෝ ග්‍රෑම් 203ක් මෙහිදි අත්අඩංගුවට ගෙන තිබෙනවා.
කලාඔය ප්‍රදේශයේ පදිංචි සැකකරුවෙකු ද අත්අඩංගුවට ගෙන තිබෙනවා.
කේරල ගංජා තොගය හා සැකකරු රාජාංගනය පොලිසයට භාරදුන් බවයි විශේෂ කාර්ය බලකාය සදහන් කරන්නේ.
