හම්බන්තොට වැල්ලවාය මාර්ගයේ පල්ලේමළල ප්‍රදේශයේදී මාර්ගයේ ගමන් කළ ත්‍රීරෝද රථයක ගැටීමෙන් ගැබිනි මවක් මියගොස් තිබෙන බව හම්බන්තොට පොලීසිය පවසනවා.
මෙලෙස මියගොස් ඇත්තේ පල්ලේමළල ප්‍රදේශයේ පදිංචි 23 හැවිරිදි කාන්තාවක්.
හම්බන්තොට දෙස සිට පැමිණි ත්‍රීරෝද රථය මාර්ගයෙන් ඉවතට පැන ගැබිනි කාන්තාවගේ ගැටීමෙන් මෙම අනතුර සිදුව ඇති බවයි පොලීසිය පවසන්නේ.
අනතුරු පත් වුණු කාන්තාව හම්බාන්තොට මහ රෝහලට ඇතුළත් කරන විටත් මියගොස් ඇති බවයි රෝහල් ආරංචි මාර්ග සඳහන් කළේ.
මේ සම්බන්ධයෙන් ත්‍රීරෝද රථයේ රියදුරු අත්අඩංගුවට ගෙන ඇති අතර වැඩිදුර විමර්ශන හම්බන්තොට පොලීසිය විසින් සිදු කරනු ලබයි.
