වැල්ලවාය ප්‍රාදේශීය ලේකම් කලාපයට අයත් සෙල්ලබාව කඳු රක්ෂිතයේ ගින්නක් පැතිර ගොස් තිබෙනවා .
එම ගින්න රක්ෂිතයේ වේගයෙන් පැතිර ගොස් ඇති අතර එම නිසා රක්ෂිතයේ අක්කර විසිපහකට වඩා ගිනිගෙන විනාශ වී තිබෙන බවයි අප වාර්තාකරු සඳහන් කර සිටින්නේ .
ප්‍රදේශයට පවතින දැඩි වියළි කාලගුණය සහ සුළං තත්ත්වය නිසා ගින්න වේගයෙන් පැතිර ගොස් ඇති අතර ගින්න නිසා රක්ෂිතයට විශාල හානියක් සිදු
වී තිබෙනවා .
කිසියම් පුද්ගලයකු රක්ෂිතයට ගිනි තබන්නට ඇති බවට පොලිස් නිලධාරීන් සැක කරන අතර සිද්ධිය සම්බන්ධයෙන් වැල්ලවාය පොලිස් ස්ථානයේ නිලධාරීන් සහ වැල්ලවාය වනසංරක්ෂණ කාර්යාලයේ නිලධාරීන් විසින් විමර්ශන සිදු කිරීමට නියමිතයි .
