එංගලන්ත ජාතික කණ්ඩායම නියෝජනය කරන තුන් ඉරියව් ක්‍රීඩක මොයින් අලී ජාත්‍යන්තර ක්‍රිකට් ක්‍රීඩාවෙන් සමුගන්නා බවට නිල වශයෙන් නිවේදනය කර තිබෙනවා.
37 හැවිරිදි වියෙහි පසු වන තමන් සිය කොටස හොඳින් කර ඇති බවට විශ්වාස කරන බවයි මොයින් අලී පවසන්නේ.
2014 වසරේදී ජාත්‍යන්තර ක්‍රිකට් වරම් දිනාගත් ඔහු එංගලන්තය වෙනුවෙන් ටෙස්ට් තරග 68ක්, එක්දින තරග 138ක් සහ විස්සයි විස්ස 92කට සහභාගී වී තිබෙනවා.
එහිදී සියලු තරගවලදී ලකුණු 6678ක් රැස්කරගත්තේ, ශතක අටක් සහ අර්ධ ශතක 28ක් ඇතුළත් කරමින්.
එමෙන්ම කඩුලු 366ක් දවාගෙන තිබීමත් විශේෂත්වයක් වනවා.
