කළුතර බන්ධනාගාරයට මත්කුඩු රැගෙන යන බවට ලැබුණු තොරතුකට අනුව කළ මෙහෙයුමකදී සැකකරුවන් දෙදෙනෙකු අත්අඩංගුවට ගත්තා.
ඔවුන් ළඟ තිබී අයිස් මත්ද්‍රව්‍ය මත්කුඩු සහ දුම්කොළ තොගයක් ද සොයා ගැනුණා.
කළුතර බන්ධනාගාරය තුළට මත්කුඩු රැගෙන යන බවට කළුතර අපරාධ කොට්ඨාසයට ලැබුණු තොරතුකට අනුව වැටලීම සිදු කෙරුණා.
ඒ අනුව එක් සැකකරුවෙකු පරික්ෂා කිරීමේදී ඔහු ළඟ තිබි හෙරොයින් ග්‍රෑම් 3යි මිලිග්‍රෑම් 300ක් සොයා ගත්තා.
බන්ධනාගාරයේ තාප්පයට ඉහළින් මත්ද්‍රව්‍ය සහිත ටෙනිස් බෝල් බන්ධනාගාරය තුළට විසිකළ පුද්ගලයෙකු ද අත්අඩංගුවට ගෙන තිබෙනවා.
ඒ තුළ තිබී දුම්කොළ සහ මත්කරල් මෙන්ම අයිස් මත්ද්‍රව්‍යයද සොයා ගත්තා.
මෙලෙස අත්අඩංගුවට ගත්තේ මොරටුව සහ කළුදෑවල යන ප්‍රදේශවල පදිංචි අවුරුදු 22සහ 28 වයස් කාණ්ඩවල පදිංචිකරුවන්.
සැකකරුවන් කළුතර මහේස්ත්‍රාත් අධිකරණය ඉදිරිපත් කිරීමට නියමිතයි.
