විවිධ වර්ගයේ මත්ද්‍රව්‍ය සමඟ සැකකරුවන් කිහිපදෙනෙකු දිවයිනේ ප්‍රදේශ කිහිපයකදී අත්අඩංගුවට ගෙන තිබෙනවා.
ග්‍රෑන්ඩ්පාස් ,මට්ටක්කුලිය හා වැල්ලම්පිටිය යන පොලිස්වසම්වලදී කොළඹ අපරාධ කොට්ඨාසයේ නිලධාරීන්ට ලැබුණු තොරතුරුවලට අනුව වැටලීම් 3ක් සිදුකර තිබෙනවා.
එහිදී අයිස් මත්ද්‍රව්‍ය ග්‍රෑම් 48කට අධික ප්‍රමාණයක් අත්අඩංගුවට ගැනුණා.
සැකකරුවන් තුන්දෙනෙකු ද අත්අඩංගුවට ගෙන ඇති බවයි පොලිසිය සඳහන් කරන්නේ.
උතුරු කළුතර සහ පානදුර ,දකුණ පොලිස් වසම්වලදීද වැටලීම් සිදු කෙරුණා .
එහිදී හෙරොයින් ග්‍රෑම් 10 මිලිග්‍රෑම් 110ක් හා හෂීස් මත්ද්‍රව්‍ය ග්‍රෑම් 10ක් ළඟ තබාගෙන සිටි සැකකරුවන් දෙදෙනෙකු අත්අඩංගුවට ගත්තා.
මේ අතර මීගමුව දුම්රිය ස්ථානය අසළ සිදුකළ වැටලීමකදී හෙරොයින් ග්‍රෑම් 14යි මිලිග්‍රෑම් 260ක් ළඟ තබාගෙන සිටි සැකකරුවෙකු බස්නාහිර පළාත, උතුර අපරාධ කොට්ඨාසයේ නිලධාරීන් අත්අඩංගුවට ගෙන තිබෙනවා.
සැකකරුවෙකු ද මෙහිදී අත්අඩංගුවට ගත් බවයි පොලිසිය සඳහන් කරන්නේ.
