අයර්ලන්ත කාන්තා ක්රිකට් කණ්ඩායමට එරෙහි තරග 03කින් යුත් එක්දින ක්රිකට් තරගාවලිය ආරම්භ කරමින් පැවති පළමු තරගයෙන් කඩුලු 03ක පරාජයක් ලැබීමට ශ්රී ලංකා කාන්තා ක්රිකට් කණ්ඩායමට සිදු වුණා.
අයර්ලන්තයේ බෙල්ෆාස්ට් හි පැවති මෙම තරගයේ ශ්රී ලංකා කණ්ඩායම ලබාදුන් ලකුණු 261ක ඉලක්කය කඩුලු 07ක් දැවී තිබිය දී තරගයේ 49.2වැනි පන්දුවාරයේදී පසුකර යෑමට අයර්ලන්තය සමත් වුණා.
ශ්රී ලංකාව වෙනුවෙන් කවීෂා දිල්හාරි ලකුණු 54කට කඩුලු 04ක් බිඳහෙළමින් පන්දු යැවීමෙන් දක්ෂතා දැක් වුව ද, සටන්කාමී ඉනිමක් ක්රීඩාකළ Orla Prendergast ගේ ඉනිම හේතුවෙන් පරාජය භාරගැනීමට ශ්රී ලංකා කණ්ඩායමට සිදු වුණා.
මෙම තරගයේ කාසියේ වාසිය දිනූ අයර්ලන්ත නායිකාව පළමුවෙන් පන්දුවට පහරදීම සඳහා ශ්රී ලංකාවට ආරාධනා කළා.
ඒ අනුව ඔවුන් නියමිත පන්දුවාර 50 තුළ දී කඩුලු 08ක් දැවී ලකුණු 260ක් රැස්කිරීමට සමත් විය.
ශ්රී ලංකාව වෙනුවෙන් විශිෂ්ට ඉනිමක් ක්රීඩා කළ විශ්මි ගුණරත්න ලකුණු 101යි.
ශ්රී ලංකා කාන්තා ක්රිකට් කණ්ඩායමක් අයර්ලන්තයේ සංචාරයක නිතර වන පළමු අවස්ථාව ද මෙය වනවා
දෙරට අතර පළමුව පැවැති තරඟ 02කින් යුත් විස්සයි20 තරගාවලියද තරඟ 1-1ක් ලෙසින් සමසමව අවසන් වුණා.
එමෙන්ම මෙය අයර්ලන්ත හමුවේ ශ්රී ලංකා කාන්තා ක්රිකට් කණ්ඩායමක් එක්දින තරඟයක් පරාජය වූ පළමු අවස්ථාව ද වනවා.
මීට පෙර දෙරට අතර (2007-2023) එක්දින ජාත්යන්තර තරඟ 05ක් පවත්වා ඇති අතර එම සියලුම තරඟ ශ්රී ලංකාව ජයගෙන තිබුණා.
