මස්කෙළිය, බ්රවුන්ලෝ ප්රදේශයේදී සිදුවු රිය අනතුරකින් පුද්ගලයින් දෙදෙනෙකු මියගොස් තිබෙනවා.
ත්රිරෝද රථයක් සහ කැබ් රථයක් ගැටීමෙන් එම අනතුර සිදුවී ඇති බව පොලීසිය පවසනවා.
අනතුරින් තවත් පුද්ගලයින් දෙදෙනෙකු තුවාල ලබා මස්කෙළිය රෝහල වෙත ඇතුළත් කර ඇති බව මස්කෙළිය පොලිසිය පවසනවා.
එම අනතුරින් ජීවිතක්ෂයට පත් වී ඇත්තේ නල්ලතන්නිය, මරේ වතුයායට අයත් වලදල ප්රදේශයේ පදිංචිකරුවන් දෙදෙනෙක්.
අනතුරට පත් මෙම ත්රිරෝද රථය මස්කෙළිය ප්රදේශයේ සිට නල්ලතන්නිය ප්රදේශයට ධාවනය කරමින් තිබියදී කිරි ප්රවාහනය කරන කැබ් රථයක ගැටී මෙම අනතුර සිදුවී ඇති බවයි පොලිසිය සඳහන් කළේ.
සිද්ධියෙන් මියගිය දෙදෙනාගේ මළ සිරුරු මස්කෙළිය ප්රාදේශීය රෝහලේ තැන්පත් කර ඇති බවත්, අසාධ්ය තත්ත්වයේ සිටි තුවාලකරුවන් දෙදෙනා දික්ඔය මූලික රෝහලට ඇතුලත් කළ බවත් පොලිසිය සඳහන් කළා.
