කථානායක මහින්ද යාපා අබේවර්ධන මහතාට එරෙහි විශ්වාසභංග යෝජනාව මාර්තු 19 අඟහරුවාදා සහ 20 බදාදා යන දෙදින විවාදයට ගැනීමට අද (14) කථානායකවරයාගේ ප්රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී තීරණය වූ බව පාර්ලිමේන්තුවේ වැඩබලන මහලේකම් හංස අබේරත්න මහතා පැවසුවා.
මේ අනුව මාර්තු 19 වැනි අඟහරුවාදා පෙ.ව 9.30 සිට ප.ව 5.30 දක්වා ද 20 වැනි බදාදා පෙ.ව 9.30 සිට ප.ව 4.30 දක්වාද විවාදය පැවැත්වීමට නියමිතව තිබෙනවා.
එසේම විවාදයේ දෙවැනි දිනය වන 20 වැනිදා ප.ව 4.30 ට පමණ විශ්වාසභංග යෝජනාවට අදාළ ඡන්ද විමසීම පැවැත්වීමට ද මෙහිදී තීරණය වූ බව වැඩබලන මහලේකම්වරයා පැවසුවා.
මාර්තු 21 වැනි බ්රහස්පතින්දා පෙ.ව 9.30 – ප.ව 10.30 කාලය වාචික පිළිතුරු අපේක්ෂා කරන ප්රශ්න සඳහා වෙන් කර තිබෙනවා.
අනතුරුව පෙ.ව 10.30 සිට ප.ව 5.00 දක්වා එකතු කළ අගය මත බදු පනතේ නියමයක් ද කොළඹ වරාය නගරය ආර්ථික කොමිෂන් සභාව පනත යටතේ නියෝග ද විවාදයට ගැනීමට නියමිතව තිබෙනවා.
ඉන්පසු ප.ව 5.00 සිට ප.ව 5.30 දක්වා සභාව කල්තබන අවස්ථාවේ ප්රශ්න සඳහා කාලය වෙන්කර තිබෙනවා.
මාර්තු 22 සිකුරාදා සම්පූර්ණ දිනය වෙන්ව ඇත්තේ අභාවප්රාප්ත හිටපු මන්ත්රීවරුන් සඳහා ශෝක යෝජනා ඉදිරිපත් කිරීමටයි.
මේ අනුව එදින පෙ.ව 9.30 සිට ප.ව 5.30 දක්වා අභාවප්රාප්ත හිටපු මන්ත්රීවරුන් වන ආර්. එම් කරුණාරත්න, බන්දුල බස්නායක සහ වෛද්යාචාර්ය පී.එම්.බී සිරිල් යන මහත්වරුන් වෙනුවෙන් ශෝක යෝජනා ඉදිරිපත් කිරීම සඳහා කාලය වෙන් කිරීමට ද මෙහිදී තීරණය වී තිබෙනවා.