fbpx

Life+News The Official News Portal of Independent Television Network Ltd

‘INS Karanj’ සබ්මැරීනය කොළඹ වරායට සේන්දු වෙයි

ITN News Editor
By ITN News Editor පෙබරවාරි 3, 2024 14:14

‘INS Karanj’ සබ්මැරීනය කොළඹ වරායට සේන්දු වෙයි

ඉන්දීය නාවික හමුදාවට අයත් ‘INS Karanj’ සබ්මැරීනය නිල සංචාරයක් සඳහා අද (2024 පෙබරවාරි 03) උදෑසන කොළඹ වරායට සේන්දු වූ අතර, ශ්‍රී ලංකා නාවික හමුදාව විසින් එම සබ්මැරීනය නාවික හමුදා සම්ප්‍රදායානුකුලව පිළිගැනීමට කටයුතු කෙරුණා.

මෙලෙස කොළඹ වරායට සේන්දු වූ ‘INS Karanj’සබ්මැරීනය, දිගින් මීටර් 67.5 ක් හා නැව් මුළුව 53 ක ගෙන් සමන්විත වන අතර, එහි අණදෙන නිලධාරී ලෙස කොමාණ්ඩර් අරුනාබ් (Commander Arunabh) කටයුතු කරනු ලබයි.

‘INS Karanj’සබ්මැරීනය දිවයිනේ රැඳී සිටින කාල සීමාව තුළ එහි මෙහෙයුම් ක්‍රියාකරීත්වය පිළිබඳව පැවැත්වෙන දැනුවත් කිරීමේ වැඩසටහනක් සඳහා ශ්‍රී ලංකා නාවික හමුදා පුද්ගලයන් සහභාගී වීමට නියමිතව ඇති අතර, සබ්මැරීනයේ නැව් මුළුව දිවයිනේ වැදගත් ස්ථාන නැරඹීම සඳහා ප්‍රදේශ කිහිපයක සංචාරය කිරීමටද නියමිතයි.

තවද, මෙම නිල සංචාරය නිමා කරමින් 2024 පෙබරවාරි මස 05 වන දින ‘INS Karanj’ සබ්මැරීනය දිවයිනෙන් පිටත්ව යාමට නියමිතව තිබෙනවා.

ITN News Editor
By ITN News Editor පෙබරවාරි 3, 2024 14:14

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්