පොලිස් නිලධාරීන් 4 දෙනෙකුට වැඩ වරදී

ITN News Editor
By ITN News Editor පෙබරවාරි 1, 2024 05:49

පොලිස් නිලධාරීන් 4 දෙනෙකුට වැඩ වරදී

මත්ද්‍රව්‍ය චෝදනා ලැබූ සැකකරුවන් කිහිපදෙනෙකු නිදහස් කරන ලෙසට පොලිස් කොස්තාපල්වරයෙකුට බලපෑම් කළ සහකාර පොලිස් අධිකාරීවරයෙකු ඇතුළු පොලිස් නිලධාරීන් සිව්දෙනෙකුට ලක්ෂ 20ක වන්දියක් අගතියට පත් නිලධාරියට ගෙවන ලෙස ශ්‍රේෂ්ඨාධිකරණය නියෝගය කර තිබෙනවා.

මෙම නියෝගය සිදුකර ඇත්තේ 2021 වසරේ නොවැම්බර් මස 02 වනදා අදාළ සිදුවීම වන අවස්ථාවේ අම්බලන්ගොඩ සහකාර පොලිස් අධිකාරී ලෙස කටයුතු කළ යූ.එම්.අමරසිරි, එවක කොස්ගොඩ පොලිස් ස්ථානාධිපති මංගල ද සොයිසා අමරසේකර, එහි අපරාධ අංශය භාර ස්ථානාධිපති අසේල ප්‍රේමනාත් ද සිල්වා සහ පොලිස් සැරයන් ඉන්දික ද සිල්වා යන නිලධාරීන් පිරිසකටය.

ශ්‍රේෂ්ඨාධිකරණය වැඩිදුරටත් නියෝග කර ඇත්තේ ඔවුන්ගේ පෞද්ගලික මුදල්වලින් එම වන්දිය ඊයේ දින සිට මාස හයක කාල සීමාවක් තුළ ගෙවා අවසන් කරන ලෙසටය.

එම අදාළ පොලිස් කොස්තාපල්වරයාට රජය විසින් රුපියල් 25000ක වන්දියක් ගෙවන ලෙසට ද නියෝග කර තිබෙනවා.

එවකට කොස්ගොඩ පොලිස් ස්ථානයට අනුයුක්තව සේවය කර ඇති පොලිස් කොස්තාපල් පී.ඩි.ඒ. පනාපිටිය මහතාට  සැකකාර නිලධාරීන් විසින් අසත්‍ය චෝදනා ගොනුකර වැඩ තහනමට ලක්කර ඔහුගේ බිරිඳ අත්අඩංගුවට ගෙන රඳවා ගැනීම තුළින් මූලික මිනිස් අයිතිවාසිකම් උල්ලංඝනය කර ඇතැයි ශ්‍රේෂ්ඨාධිකරණය  තීන්දු කළා.

 

ITN News Editor
By ITN News Editor පෙබරවාරි 1, 2024 05:49