fbpx

Life+News The Official News Portal of Independent Television Network Ltd

පේටන්ට් බලපත‍්‍ර වැඩිම ප්‍රමාණයක් හිමි රට ලෙස චීනය සිව්වන වසරටත් ලොව පෙරමුණේ

ITN News Editor
By ITN News Editor ජනවාරි 4, 2024 08:21

පේටන්ට් බලපත‍්‍ර වැඩිම ප්‍රමාණයක් හිමි රට ලෙස චීනය සිව්වන වසරටත් ලොව පෙරමුණේ

ලෝක ‍බුද්ධිමය දේපළ හා නවෝත්පාදන ක්ෂේත්‍රයේ චීනය වැදගත් ස්ථානයක පසුවන බව චීන විදේශ අමාත්‍යාංශය පවසනවා.

ජාත්‍යන්තර ‍බුද්ධිමය දේපළ සහයෝගිතාව හා පාලනයේ දී චීනය ගන්නා පියවර සම්බන්ධයෙන් අදහස් දක්වමින් චීන විදේශ අමාත්‍යාංශ ප්‍රකාශක Wang Wenbin මහතා ඊයේ පැවති නිත්‍ය මාධ්‍ය හමුවේ දී මේ බව ප්‍රකාශ කළා.

පේටන්ට් සහයෝගිතා ගිවිසුමට එක් වී වසර 30 ක් තුළ, බුද්ධිමය දේපළ පිළිබඳ නීති පද්ධතිය අඛණ්ඩව සංවර්ධනය කරමින් සිටින චීනය, ජාත්‍යන්තර බුද්ධිමය දේපළ සංවිධානය සමඟ ජයග්‍රාහී සහයෝගිතා‍ ගොඩනගා ඇති බව ඔහු පෙන්වා දුන්නා.

එම ගිවිසුමට අනුව චීන‍ය ඉදිරිපත් කර ඇති ජාත්‍යන්තර පේටන්ට් බලපත්‍ර සංඛ්‍යාව අනුව අඛණ්ඩ වසර 4 ක් තිස්සේ ලොව පළමු ස්ථානය හිමි කර ගෙන තිබෙනවා.

මේ හේතුවෙන් ගෝලීය නවෝත්පාදන ක්ෂේත්‍රයේ වැදගත් කොටසක් චීනයට හිමි ව ඇතැයි ද Wang Wenbin මහතා පවසනවා.

ITN News Editor
By ITN News Editor ජනවාරි 4, 2024 08:21

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්