ඊශ්‍රායල භාණ්ඩ ප්‍රවාහන නෞකාවක් යේමනයේ හුදි කැරලිකරුවන් තම ග්‍රහණයට ගත් අතර ඊට අදාළ දර්ශන අද මාධ්‍යට නිකුත් කර තිබෙනවා.
ඊශ්‍රායලට අයත් මෙම නෞකාව රතු මුහුදේදී පැහැරගත් බවයි හුදි කැරලිකරුවන් නිවේදනය කරන්නේ.
නෞකාව පැහැර ගැනීමත් සමග ඊශ්‍රායල / ගාසා යුද ගැටුම් කලාපය පුරා ව්‍යාප්ත වන ආකාරය පිළිඹිබු වන බව යුද විශ්ලේෂකයින් පවසනවා.
හමාස් සංවිධානයට එරෙහිව ඊශ්‍රායලය එල්ල කරන ප්‍රහාරයන්ට ප්‍රතිචාරයක් ලෙස තමන් මෙම නෞකාව ග්‍රහණයට ගත් බවයි හුදි කැරලිකරුවන් සදහන් කරන්නේ.
තුර්කියේ සිට ඉන්දියාව බලා එම නෞකාව ගමන් කරමින් සිටියදීයි එය පැහැර ගැනුනු අතර එම අවස්ථාවේදී 25 දෙනෙකුගෙන් යුත් කාර්ය මණ්ඩලයක් එහි සිට තිබෙනවා.
