හිටපු ජ්‍යෙෂ්ඨ නියෝජ්‍ය පොලිස්පතිවරයෙකු වන රවී සෙනෙවිරත්න මහතා අත්අඩංගුවට ගෙන තිබෙනවා..
ඔහු අත්අඩංගුවට ගෙන ඇත්තේ, බීමතින් රිය ධාවනය කර රථවාහන 02ක් අනතුරට ලක්කිරීමේ සිද්ධියකට අදාළවයි.
වැල්ලවත්ත, මුහුද ආසන්න මාර්ගයේ දී ඊයේ රාත්‍රීයේ එම අනතුර සිදුව තිබුණා.
එහිදී රවී සෙනෙවිරත්න මහතා ධාවනය කළ මෝටර් රථය, බස් රථයක සහ මෝටර් රථයක ගැටී ඇති බවයි පොලීසිය ප්‍රකාශ කළේ.
සිද්ධිය සම්බන්ධයෙන් වැල්ලවත්ත පොලීසිය මගින් අත්අඩංගුවට ගත් හිටපු ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතා අධිකරණය හමුවට ඉදිරිපත් කිරීමට නියමිතයි.
