නව පරිසර පනතක් කඩිනමින් ගෙන එන ලෙස අමාත්‍ය කෙහෙළිය රඹුක්වැල්ල මහතා මධ්‍යම පරිසර අධිකාරියට උපදෙස් ලබාදුන්නා.
වත්මන් කාලයට ගැලපෙන පරිසර පනතක් කඩිනමින්ම ගෙන ආ යුතු බවයි අමාත්‍යවරයා අවධාරණය කරන්නේ.
පරිසර අමාත්‍ය කෙහෙළිය රඹුක්වැල්ල මහතා මේ බව සඳහන් කළේ මධ්‍යම පරිසර අධිකාරියේ පැවති සාකච්ඡාවකදියි.
මධ්‍යම පරිසර අධිකාරියේ සභාපති සුපුන් එස් පතිරගේ , අධ්‍යක්ෂ ජනරාල් පී බී හේමන්ත යන මහත්වරුන් ද මෙම අවස්ථාවට එක්ව සිටියා.
නිවාස සංකීර්ණ ඉදිකිරිමේ දී පරිසරයට සිදුවන අහිතකර බලපෑම් සොයා බලා ඒවා අවම කළ හැකි ක්‍රමවේද වෙත යොමු වීමේ අවශ්‍යතාව ද අමාත්‍යවරයා මෙහිදි පෙන්වා දුන්නා.
