මදුරන්කුලිය පෞද්ගලික බැංකුවකට අයත් ඒ.ටී.එම් යන්ත්‍රයකින් රුපියල් කෝටියකට වැඩි මුදලක් සොරකම් කිරීමේ සිද්ධියට අදාළ සැකකරුවන් තුන්දෙනෙකු පුත්තලම පොලීසිය මගින් අත්අඩංගුවට ගත්තා.
පසුගිය 08 වනදා මදුරන්කුලිය පෞද්ගලික බැංකුවකට අයත් ඒ.ටී.එම් යන්ත්‍රයකින් රුපියල් එක්කෝටි පන් ලක්ෂ හතලිස් නව දහසක් සොරකම් කර ඇති බවට පුත්තලම පොලීසියට ලැබුණු පැමිණිල්ලකට අනුව විමර්ශන සිදු කෙරුණා.
ඒ අනුව අනුරාධපුර ප්‍රදේශයේදී සැකකරුවන් තුන් දෙනෙකු පොලිසිය මගින් අත්අඩංගුවට ගැණුනා.
සැකකරුවන්ගෙන් කළ ප්‍රශ්න කිරීම්වලට අනුව සොරකම් කළ රුපියල් අනූ දෙලක්ෂ හැත්තෑ හත් දහසක මුදලක් ඔවුන් ලග තිබී සොයා ගත්තා.
මෙලෙස අත්අඩංගුවට ගැනුණේ අවුරුදු 28 /32 සහ 35 යන වයස් කාණ්ඩවල පසුවන්නන්.
අත්අඩංගුවට ගත් සැකකරුවන්ගෙන් දෙදෙනෙකු ඒ.ටී.එම් යන්ත්‍රවලට මුදල් තැන්පත් කිරීම සඳහා සහභාගී වන පෞද්ගලික අංශ ආරක්ෂක නිලධාරීන් දෙදෙනෙකුයි.
