විදෙස් රැකියා සදහා පිටත්කර හරින බව පවසමින් කළුතර ප්‍රදේශයේ පුද්ගලයින්ගෙන් රුපියල් කෝටි ගණනක මුදල් වංචා කළ යුද හමුදා මේජර්වරයෙකු හා ඔහුගේ බිරිඳට එරෙහිව පැමිණිලි රැසක් ලැබී ඇති බව පොලිසිය පවසනවා.
පුද්ගලයින් විදේශයන්ට යවන බව පවසා මෙසේ මුදල් වංචා කර ඇති යුද හමුදා මේජර්වරයා සහ ඔහුගේ බිරි සම්බන්ධයෙන් විශේෂ විමර්ශනයක් ක්‍රියාත්මක බවයි පානදුර උතුර පොලිසිය පවසන්නේ.
එම පොලිස් ස්ථානයට පැමිණිලි 5ක් ලැබී ඇති අතර දෙහිවල ගල්කිස්ස ඇතුළු තවත් පොලිස් ස්ථාන කිහිපයකට ද මෙම මුදල් ලබා ගැනීම සම්බන්ධයෙන් පැමිණිලි ලැබී තිබෙනවා.
ඒ සම්බන්ධයෙන් විමර්ශන ඇරඹූ පොලිසිය පානදුර ගොරකාන ප්‍රදේශයේ පදිංචි යුද හමුදා මේජර්වරයාගේ බිරිද අත්අඩංගුවට ගනු ලැබුවා. සැකකාර යුද හමුදා මේජර්වරයා අත්අඩංගුවට ගැනීමට පරික්ෂණ සිදුකරන බවයි පානදුර උතුර පොලිසිය පවසන්නේ.
ජ්‍යෙෂ්ඨ පොලිස් අධිකාරි සමන්ත වෙදගේ මහතාගේ උපදෙස් මත සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.
