විශ්වවිද්යාල ආචාර්යවරු හමුවූ ජනපති
Related Articles
විශ්ව විද්යාල ආචාර්ය වරුන්ගේ පර්යේෂණ දීමනාව පවතින බදු ප්රතිපත්ති වලින් නිදහස් කර ගෙවීම සම්බන්ධයෙන් චක්රලේඛයක් නිකුත් කිරීමට ඇති හැකියාව සොයා බලා සති තුනක් ඇතුළත වාර්තා කරන ලෙස ජනාධිපති රනිල් වික්රමසිංහ මහතා නිලධාරීන්ට උපදෙස් ලබා දී තිබෙනවා.
ජනාධිපති රනිල් වික්රමසිංහ මහතා සහ විශ්වවිද්යාල ආචාර්යවරුන්ගේ සමිති සම්මේලනය අතර ජනාධිපති කාර්යාලයේ පැවති සාකච්ඡාවක දීයි මෙම දැනුම්දීම සිදු කර ඇත්තේ
රටේ සියලුම ජනතාව මුහුණදී සිටින ආර්ථික අසීරුතාව පිළිබඳ රජයට මනා අවබෝධයක් ඇති බවත් පවතින ආර්ථික ගැටලු කඩිනමින් නිරාකරණය කර ගනිමින් සියලු ජනතාව වෙත සහන සැලසීම රජයේ අරමුණ බවත් ජනාධිපතිවරයා මෙහිදී පැවසුවා.
විශ්වවිද්යාල ආචාර්යවරුන්ගේ අධ්යයන පර්යේෂණ දීමනාව වැඩිකර ගැනීම හා එම දීමනාව දැනට ක්රියාත්මක කරනු ලබන උපයන විට අයකරනු ලබන බද්දෙන් නිදහස් කර ගැනීම ඇතුළු කරුණු පිළිබඳ මෙහිදී සාකච්ඡාවට ලක් වුණා.
විශ්වවිද්යාල ප්රතිපාදන කොමිෂන් සභාව අහෝසි කර සමස්ත විශ්වවිද්යාල පද්ධතියේ පරිපාලනය කැලිෆෝනියා සහ බීජිං විශ්වවිද්යාල ක්රමවේදය අනුව සකස් කිරීමට ඇති හැකියාව සම්බන්ධයෙන් අධ්යයනයක් සිදු කරන බව ද ජනාධිපති රනිල් වික්රමසිංහ මහතා වැඩිදුරටත් සඳහන් කර තිබෙනවා
