මුලතිව් පුදුකුඩිඉරිප්පු මන්නංකණ්ඩාල් ප්‍රදේශයේ දී අනවසර විදුලි රැහැනක ගැටීමෙන් වන අලියෙකු මියගොස් තිබෙනවා.
එම ප්‍රදේශයේ පෞද්ගලික ඉඩමක අනවසර විදුලි රැහැන් ඇද තිබී ඇති අතර වන අලියා එම ඉඩමට ඇතුළුවීමට උත්සාහ දැරීමේ දී විදුලිසැර වැදී මියගොස් ඇති බවයි වනජීවී නිලධාරීන් පවසන්නේ.
මේ සම්බන්ධයෙන් උතුරු පළාත් වනජීවී පශු වෛද්‍ය කාර්යාලයට දැනුම්දීමෙන් අනතුරුව එම නිලධාරීන් පැමිණි පශ්චාත් මරණ පරීක්ෂණය සිදුකළා.
අනවසර විදුලි රැහැන් ඇද තිබූ ඉඩමේ හිමිකරු පිළිබඳ ඔඩ්ඩුසුඩාන් පොලීසියට දැනුම්දීමට වනජීවී නිලධාරීන් පියවර ගත්තා.
